أشرف حكيمي دخل التشكيلة المثالية العالمية للرجال لسنة 2026 اللي أعلنت عليها نقابة اللاعبين المحترفين FIFPRO نهار الاثنين 9 نونبر، بعدما اختاروه اللاعبون المحترفون ضمن أبرز المدافعين فالعالم.
هاد التشكيلة خرجات من تصويت 19 ألف و806 لاعبين محترفين من 73 دولة، وكتتميز بكون الاختيار ديالها كيديروه اللاعبون أنفسهم، ماشي لجنة تحكيم أو تصويت جماهيري.
وحسب الإعلان الرسمي ديال FIFPRO، الدولي المغربي ولاعب باريس سان جيرمان تزامل فالخط الخلفي مع باو كوبارسي ونونو مينديش، وقدّام الحارس دافيد رايا.
التشكيلة ضمت كذلك جود بيلينغهام ورودري وفيتينيا فالوسط، وإيرلينغ هالاند وكيليان مبابي وليونيل ميسي ولامين يامال فالخط الأمامي.
التقييم اعتمد أداء اللاعبين بين 4 غشت 2025 و19 يوليوز 2026، مع اشتراط المشاركة فـ30 مباراة رسمية على الأقل. وبهذا التتويج، كيضيف حكيمي اعترافاً دولياً جديداً لمسارو مع الفريق الباريسي والمنتخب المغربي.
التفاصيل واللائحة الرسمية: https://www.fifpro.org/en/articles/2026/11/2026-fifpro-world-11-winners-revealed
