طرح أحمد عصيد، خلال اللقاء التشاوري اللي نظمتو اللجنة الأمازيغية لحزب الأصالة والمعاصرة نهار الأحد 8 نونبر فالرباط، أسئلة مباشرة على الاختلالات اللي كتعرقل تدريس الأمازيغية ووصول الموارد التعليمية للتلاميذ.
عصيد قال إن كتب الأمازيغية كانت كتطبع وكتخصص ليها اعتمادات، ولكن عدد من التلاميذ ما كيلقاوهاش ملي كيحتاجوها. وتساءل على الجهة المسؤولة على توقف هاد الكتب قبل ما توصل للمؤسسات التعليمية، داعياً للبحث الدقيق فمصدر الخلل بدل الاكتفاء بإعلان البرامج والميزانيات.
وتحدث حتى على وسائل وكراسات تعليمية كتغيب عن بعض المؤسسات، وعلى تأخر وصول كتب الأمازيغية مقارنة بالكتب العربية، معتبراً أن هاد الحالات كتحتاج تحديد المسؤوليات وإصلاح طرق التوزيع والمتابعة.
انتقادات للإعلام والتمويل
وفنفس المداخلة، انتقد عصيد ضعف مواكبة بعض القنوات العمومية للأمازيغية، ووصف القناة الثامنة بأنها محتاجة دعم أكبر، خصوصاً لإنتاج برامج الأطفال والرسوم المتحركة اللي كتطلب ميزانيات مهمة.
ودعا لتوجيه التمويل نحو المجالات اللي كتساهم مباشرة فاستعمال اللغة وتطورها، ومن بينها دعم المدرسين والتكوين والوسائل البيداغوجية والمنتجين الثقافيين من كتاب ومسرحيين وسينمائيين.
وبالنسبة ليه، تشخيص الاختلال ما كيوقفش عند تسجيل التأخر، ولكن خاصو يوصل لمعرفة شكون مسؤول وعلاش المقررات ما كتطبقش. وهدي هي الفكرة اللي سماها البحث أو «النبش» فالأسباب الحقيقية للتعثر.
