واش باقين عاقلين على هاد الداعية المصرية لي قالت لمغاربة تعلمو العربية البسيطة حيت هي مكاتفهمش الدارجة ديالنا وقالتها بصيغة فيها أمر وقالت باللهجة المصرية ماشي بالعربية إوا أسيدي راها باقيا كادور فالمغرب ولحباب كا يكرمو فيها بالورود والهداية وجابوليها داك البنت الطانجاوية المعروفة بالدعم ديالها للقضية الفلسطينية وهي لي عطاتها الورود وقالو ليها هادي هي الأيقونة ديال النضال فالقضية الفلسطينية في المغرب....أنا بغيت نفهم واش هاد لمغاربة مافيهومش نفس ولا كيفاش بلانهوم عايراتنا فبلادنا بطريقة غير مباشرة واخا هاكاك باقيين مكبرين ليها الشان وما جراوش عليها لبلادها أنا لي بقا فيا ملي قالت بلي خاصنا نتعلمو العربية باش يبقاو يفهمونا باقي الدول العربية قالتها بالهجة المصرية ديالها وماشي بالعربية....زعما حنا مفروض علينا نفهوم اللهجة المصرية ديالها وهي خاصها ماديرش مجهود باش تفهم كلامنا قمة ديال التناقض والإستعلاء أنا بعدا جاني بحال نقصات منا ومن هضرتنا، راه حنا ماشي ضد الجانب الأخر الدعوي وداعم للقضية الفلسطينية وترويج ليها ولكن خاص يكون إحترام لتقافية المغربية واللهجة ديالها وماشي من حقها تنتاقد لهجتنا المغربية.